Music Playlist at MixPod.com

Music Playlist at MixPod.com

أنا الشرير بتاع الـــــــــــــــورد

اخش ورودك اقطفها وابيع منها لكل مشاعرى بالجمله

واكتب لك عن الغيبه وافتح بكره للاحلام

تعيشى قصة من وهمى وتاخدى حجتى حرفين

ابوح بيهم لأول مرة بانطقهم واحس كمان بالوانهم

تفرحنى عنيكى ساعات وطارحه رموشك الضحكة اكملها بكام تسبيله من عندى

عشان تردى اخش حروفك اسمعها واعيش بيها

تقرب كل اشياءك قوى منى تقربلى واقرب منها والاقانى

اقول تانى

ماينفعش

تكونى قصادى بحروفك وماانطقكيش

ماينفعش واول كلمه من طرف اللسان انتى

واخر حرف يرسمنى معاك مافيش

هاقولك ايه حروفى تطل ع السكةوافتكر القساوة صحيح

واتسرسب معاك واتوه وبارجع بس وف ايدى حكاوي نقولها للدنيا

حكاوى نعيشها لحظتها وبتعيشنا

واشوف نفسى وانا الشرير

بيقطف منك الحرفين

ويخطفهم ويطلع دوغرى ويبيعهم

لاول صفحة مفتوحه يقول دى ورود

يقول افكاريقول اشعارماتفرقشى

يلاقى نفسه وبصورة بعيد خالص عن الأول

حروف آهه ومنطوقه من الوجدان

وهو نفسه كان وردةوقطفتها

ف أول حرف نطقت بيه

حــــق مشروع الى الشاعر نـــــــادى حافظ

من حق الدموع تفرح بانتصارها عليك

وقت ماتسيك غرقان فيها

وتلاقى كل دمعه جاره صاحبتها ف إيديها

وجايين يتفرجوا عليك

وعملو مشهد كامل لفرحهم واتكاتلواعليك

دمعه تجرى وتتنطط

ودمعه متحزمه وبترقص

ودمعه هاريه نفسها من العياط وقاعد وحيدة

لانهم سابوها ومارضيوش ياخدوها معاهم

اتحرمت من فرجتها عليك

يااااااااااااااااااااااه

انت كنت معادى كل الدموع دى ازاااااااااااااى ؟ ؟؟؟؟

قصيدة تخاطيف

مهداة الى الشاعر مهدى صـلاح

1- مراوغة

ماتسيبش نفسك للمرايه بسهولة كده

وخليها تتمنى تشوفك

اعمل انك مش واخد بالك طنش وماتقعش فى اى فخ

لاتقول أطمن على التسريحه او اظبط القميص

كلها حجج بس عشان تدى لروحك أوصافها من المرايا

اللى حلفت بكل اللى بص عليها انها هاتخــبيك أول ماهتبص بجد


2- ملاوعة

ماتقولش ولا كلمة

وامشى على طول اعمل انك مش متأثر خالص

اتكلم بشكل منظم فى أى موضوع

بس خليك حريص جدا

من أى ضحكة عشان ماترجعش تعـــــــيط وتفتكر

3- سبب

لوقلت من الاول ؟؟؟؟؟

مش كنت عملت استعداد نفسى لكل الحواديت

اللى بتقع فوق دماغك

4- مواجهة

مش عايز تنام ؟

وخايف للدرجة دى ؟

هى خلاص عرفت انك مسافر

وماعادتشى تجيلك ف الاحـــــــــــلام

فتحـــــــــــــــــــــة باب

بيتوارب عليا الباب وأستنى

وحيـــــــــــد جنبك

تمللى ف قلبى انت وحيد

ومن بين انصهار الكون

اكون ف ايديك

عجين اطيب من الطينه

وريحتى ف الهوا تسرح

وأسرح من على ريحتك

هوا ميه

وياعنيه

كفايه عليا عتبات الدرج ليا

وانا داخل هنا تا تا

هنا بصمة كفوف قلبى

هناك دمى بيتجاور

بتنهيدة خروج ليكى

ولبيكى

ياروحى لو قطفتينى

وسمينى انا ملكوت

اذا هليتى بالنشوه

وضمينى ب خضار غنيوه ف ودانى

تقول دا انى عليل يا امه

وسر الفتحه والختمه لاتبرينى

وتشفيينى من الغمه

وآآآآآآآآه

يا امه

وكنت صغير

حلفت بسر تكوينى على صدرك

حلفت بصوتى من سطرك وقلت الآ000ه

ولا اتبلتش من دمعى عيون الناس

دخلتك التقيت حراس بياض فى بياض

وانا على حضنك الدافى

عوافى ياللى وخدينى وخطفينى ف مرحبتين

وشايف قلبى ف شفايف ونن العين

وكان النبت جوايا بريحة الصبح كان معجون

واكون ف ايديك عجين اطيب من الانوار

وكنت معايا قنديلى

وكان مطفى عن الدنيا

وابهى من ربيع الصبح جوايا

يرتلنى

أقول الله

خطــــــــــــــــوة

" الليله نفس الحيطان بيهز ورق الشجر ويدفى قلب الشوارع ويدوب فى تلج الاسئله0000000000ويسيب لصورتــــــــــــى حلاوة المنظر"

أخرج من التواريخ حكاية
أو على الجدران خطـــــــــــــــوط
يمكن شطوط تمسح ف قلبى ملحتك
طعم النبوة خلاص عرفته
لما لميتى إيديا م الهــــــوا
ومشينا ع الأيـــــــــــــــــــــــــــام
نرجع نقدم خطونا
نفس الحيطان بيلمنا
جلابية واحده لونها ابيض من حليب الأمهات
وعرايا من كل الدموع
- بينى وبينك تسقط السكه
ونضم فينا مركبه
بينى وبينك تتولد ضحكه
والشمس لينا قريبه
تقلب صورنا من على الحيطه القديمه
ترد فينا نبضها
ترانيم مع الخطوة بترسم طلعتى
تراتيل مع طلعتك بتطهر الخطوه
كل اللى ف الدنيا بلابل ينشدوا
آه ياحبيبتى معبد الحواديت
يستنى فينا نكمله
والنخل طارح من جدوره صدقينى دا السحاب
اتمنى يومها لو يكــــــــــون سجاده ويبوس القدم
خطى وخشـــــــــــى فرحتى
سمى على اللى كان ف قلبى من خشوع

باسم اللى جراكـــــــــى ف الشهد من ريقـــــــــى
واسم اللى رســــــاكــى على قلبى وطريقـــــــــى
ياطالعه قلبـــــــــــــــــى قلبى طلع ليكـــــــــــــــــى
يانابته حب اللقـــــــــــــا والحب ماليــكـــــــــــــــــى
سمى وخشى غنوتى
سميت وداخل فوق شفايفك
حرف شايــــــــــفك
زملينى من جمال طلعة عنيك
ردى إليــــــــا رعشتى
سامحينى ماقدرتش أكــــون
سامحينى ماقدرتش أكــــون

وردة للشاعر ايمن بـــــــــــــكر

منديل ورق غرقان دم ومرمى فى نص الطريق

وما اعرفش مين بالظبط اقنعنى انه وردة ؟

مضايق جدا من أول ماشفته

أزاى الناس ترميه بالطريقه دى؟؟؟

وازاى مش حاسين بجمال منظره

مع شويه رتوش بسيطه ممكن نعمل جو رومانتيكى هايل

او ندخل المنديل نفسه فى حكايه هو مالوش ذنب فيها

كل دا ولسه ماوصلتش لحده

بس بافكر

الناس بجد مش واخدين باللهم منه

ولا تلاهـــى الدنيا ناسيتهم يحتفلوا بورده قررت تنتحر

من إيد واحد كان مع حبيبته وأول ماقرب منها

غارت الوردة ومالقيتش قدامها حل الا انها تنتحر

وكل اللى معدى مش واخد باله منها

ولا حتى بيبص عليها

او يحاول يركنها على جنب

خلاص

انا خت باللى وجى اخدها واحطها ف كبايه ميه بسكر

يمكن تتبسط الكام ساعه الباقين

أقرب

واحس بالخطر

احس كمان انى باعيط على كل اللى بيحصل حوليا

اطلع منديل ورق

وامسح دموعى

امد ايدى اخد الورده وبحنيه مش متعود عليها خالص

يقع المنديل من ايدى

واكمل مشى

قصائد قصيرة

سؤال
كل كتب الشعر والدين والسحر ماعرفتش تطلع العفريته اللى عليك

وكل مشايخ الارض قالوا وبالفم المليان انها لابساك

تفتكر تقدر تفلفص من الجريمه دى ازاى؟




بجد


تفتكرى ممكن تغيرى حاجه من كل اللى عملتيه

او فكرتى ف مره تعمليه

يااااااااااااااااااااااه

ممكن
بس
بس
بس
تعرفى كل التردد ده مش خوف ولا عدم معرفه

التردد عشان

مافيش داعى وسبينى متردد اكتر

افكر

اتخيل نفسى ف مراياتك

احتار واحتار

واكرر صورى وتعاويذى

واطلع ف الاخر محتار



شووووووووق



ساعات اشوفك ف المنام

وانطق حروفك ف الكلام

وساعات ما طيقش اسمعك

ويجينى شوق اوجعك

لكن تفر الدموع

وتبهدلينى بخشوع

الاقينى كومة هدد

متبحترة فى الزحام




تاريخ


تفتكر يعنى هى تستاهل انك تدخل التاريخ من اوسع ابوابه

او حتى من زقاق صغير

علشان كل شويه تفكر انك تنتحر وتعيش

بوح البعاااااااااااد

وأنا بافتح الصفحه عشان اكتب

غنايا عليك

لقيت حروفى القديمه دمعت ف

عنيك

وسطورى دبلت ف صدرى

غنوة مجروحه

غنت سنين عشقنا واتنسمت

اغانيك

من حرف حلم الهوا بينى وبين روحك

طببت ليك الوجع وتهت فى جروحك

لا قلت آه منها والآه عشان روحك

دبلت ف إيدى السطور وغنايا ناسينى

وسابلى حبة وجع من حزنى يواسينى

يادمعى شفتك كتير نازل بتقرانى

وسبتلك مشاوير من قلبى أقرانى

خلينى آهة وجع وارمينى فى جرحى

يمكن ساعتها اتفزع ويهون عليه طرحى

الورد نازل دموع والشوك عناقيده

وف ضلمتك ياشموع قيدو الوجع قيدوا

زفونى ليه باتقسم ردوا لى آهاتى

ساعة ما احس بوحدتى آدبل

وباضيع ما بعرف دمعتي بتضيع

وف قلبي رامي الغناوى للقا والناس

واحلم يكون فرحنا

متحنى من صوتي

ف كفوفى غنوة فرح بعيوني لاممها

متمخطرين كلنا ياطرحة الفرحة

ف عنينا ليك الضنا ع التاج يكون طرحة

تتزفى ماتخافى يابنت اوصافى

اشبهه كتير منك حضنك وانا دافى

ضمينى ضمينى وانسينى جواكى

اوعى تصحينى وسبينى فى غناكى

سرحان وقلبى انجرح ماعرفت اغنيها

الا حروف طيبه نزلت على لسانى

فتحت ليها الورق

اتسرسبت حوليك

وانا بافتح الصفحة عشان اكتب غنايا عليك

النيل لحن وغناء عهدى شاكر