ف إيديا مفتاح الحيـــــــــــاة

مهداة لروح الشاعر/ محمد الحسينى

عارف طريقي وخطوتي

ومعايا زااااااااااد

ممكن يكمل للبشر كل السكك

ويلاقي حد يكلمه

يفتح سطور ويدارى منها حاجات ماتنفعش إلا أنا

وتلاقي صفحه تجر صفحه 0000 تجرني

هنا لسه هات سمي وها تصاحب ياوااااااد

وهناك بيوت تشبهه شجر

لكن حنانها ضلها واقف بعيــــــــــــــــــــــد

مستني أنك تتسند

على أي حته بتعرفك

مستني لو تنطق بكودك ف الوجع

تنطق ماحدش يعرفك

تنطق وماتبانش السطوووووور

وكأن حزنك شفرتك

لكن دموع

نزلت معايا ف تربتك

تضحك وتستغرب تموت؟

ومدلية المفاتيح بتضحك عرفتك

مفتاحها كان شبهه الحياااااااااااااااااة

قعدة عرب للشاعر محمد حسنى

أنت تبع مين.....؟

1-

مضطر اسيب اسرارى ف طابلون العربيه وارجع لها كل ما احاول اروح لاى مشوار

العيال سافروا وفيهم اللى مش هاشوفه تانى

اخبى سرى مع مين.....؟

سؤال دايما يفاجئنى كل مااتعرض لصورتى ف اى مرايه او قزاز عربية مفيم

واتحسر ع الفيلم اللى عدى من قصة حياتى ....وشفته عشته بس ماقدرتش "اسيّف"

اى مشهد منها على كارت ميمورى واشوفه وقت مانا عايز ومايتفرضش عليا لما اعدى ف شارع او اقول

قصيدة او حتى اضحك مع مراتى

فتخش المشاهد وتنهش فيا من غير ماتختشى منى وتخاوينى

ماافتكرش بعد ماقلت يافكيك انى هاقدر احصلك او حتى احصل افكارى اللى ابتدت تمشى فكره ورا فكره

ومايتخانقوش مع بعض زى زمان

2-

(راحوا الحبايب بقالهم عام والتانى )

يبص للتسجيل ويتخيل ان حد بيواسيه على اصحابه اللى خلعوا منه واحد ورا التانى من غير ماحد فيهم يقول له ماشى

مع انه كان بيتخيل نفسه قوى جدا من غير اي حاجه معاه

يقدر يتخلا عن معاد مع اى واحد فيهم ويقعد يقرا ويطلع اى حجه من دماغه ولأى حد

ولما عرف انه مش هايقدر يخلف معاد تانى معاه

سرح ف كلمة " راحوا" بس وساب بقية الاغنيه من غير ماياخد باله

وعله غفله تنزل الدمعه اللى محبوسه ف عنيه

3-

يقف ف نص الشارع

ويقول له فين الرخص ????

وازاى بتخش مخالف ف طريق عام?????

مايعرفش يرد عليه خالص ويقول له " انت تبع مين"